لايق عليك توب الرجال يا ابن الاصول يا اصيل
كتب : لغه الصمت
لايق عليك توب الرجال
يا ابن الاصول يا اصيل
ومالكش في مشي الشمال
فارس وعم الجيل
ابن عز وناس تقال
وانت برضه تقيل
مهما تميل عليك جبال
سند الجبال ما يميل
ومهما فيك نقول اقوال
برضه هيبقي قليل
متقولي مين قدك
يالي الزعيم جدك
ابن الحسب والنسب
اصلي ومش تقليد
والي تاريخة اتكتب
معروف باصله اكيد
والي اساسه دهب
غير الي اساسه حديد
والي اساسه شريف
معروف ما بين الناس
عمره ما يبقي ضعيف
ولا يطاطي الراس
والدم حامي نضيف
مش كلام وخلاص
ونقول تاني ونعيد
ونبداء من جديد
ونقول عليك لايق
اللبس يا عايق
ربك عطاك ورضاك
وزاد عليك هيبه
والخير بذور. جواك
ولا تعرف العيبه
ولا ليك في قولنا وقال
ولاوقعدة الاندال
صدق عليك من قال
لايق عليك توب الرجال
كلماتي
لغه الصمت الصمت
رابط الخبر المختصر:
تم النسخ بنجاح!